शेअर बाजार - दारुण अपयश Astrology & Success In Stock Market

नमस्कार मित्रहो

बऱ्याचदा विचारणा केली जाते की शेअर्स मधे गुंतवणुक केली तर चालेल का ? शेअर्स मार्केट मधे ट्रेडिंग करू   का ? शेअर बाजारा मधे ट्रेडिंग, लॉटरी, सट्टा, जुगार इत्यादिचे आकर्षण पंचम भावामुळे निर्माण होते. पंचम भाव लाभात असेल तर चांगभल नाहीतर आयुष्याच वाटोळ झाल्याशिवाय राहत नाही. पूर्वी लॉटरी, सट्टा, जुगारात बरबाद झालेत. आता शेअर्स मधे होत आहेत. असो.

ही अशाच एका जातकाची कुंडली आहे. जातकाचे नाव नेहमी प्रमाणे गुप्त ठेवन्यासाठी कुंडलीतुन त्याच नाव तसेच जन्मा संबंधिचा तपशील काढून टाकला आहे. तपशील न दयायला आणखी एक कारण आहे. बऱ्याच ज्योतिष विषयक हिंदी, इंग्रजी मासिकांमधे ब्लॉग वरचे लेख कॉपी करून वापरले जातात. या लेखांचा उपयोग ज्योतिष विषयक नियतकालीकांमधे करायला हरकत नाही परंतु परवानगी तर घेत जा.

प्रश्न होता मी शेअर्स मधे ट्रेडिंग करू का ? मला त्यात यश मिळेल का ?

कुंडलीला 2008 पासून राहुची दशा सुरु आहे. ही दशा 2026 पर्यंत आहे.

महादशा स्वामी राहु पंचमात असून तो चंद्राच्या रोहिणी नक्षत्रात आहे. चन्द्र नवमात व अष्टमेश. अष्टमात एकही ग्रह नाही.

दशास्वामी राहु पंचमात असल्यामुळे शेअर्स मार्केटच आकर्षण निर्माण झाल. इथ पर्यंत ठीक आहे. परंतू दशा स्वामी राहु नवमातील व अष्टमेष चंद्राच्या नक्षत्रात असल्यामुळे अष्टम भावाचा बलवान कार्येश झाला आहे. त्यामुळे आर्थिक नुकसान होणारच.

या जातकाच्या बाबतीतही तेच घडल. लाखो रूपयाचे नुकसान झाल्यावर जाग आली.

प्रश्न मोठ्या आशेने विचारला होता. पण दशास्वामी कुठल्याही प्रतिने यशाचा कार्येश होत नाही त्यामुळे मी त्याला स्पष्टच सांगीतल "अजुन काही दिवस जर या शेअर्स ट्रेडिंग मधे घलाविले तर घर दार विकून देशोधडीला लागाव लागेल."

उत्तर एकून तो नाराज झाला असता पण तो म्हंटला "हे आधीच विचारल असत तर बर झाल असत. माझ एव्हढ नुकसान झाल नसत."

"देशोधडीला लागण्यापेक्षा झाल ते गंगेला मिळाल अस समजा. अन पुन्हा या गोष्टींच्या नादी लागू नका." अस म्हणून मी त्यांना निरोप दिला.

शुभं भवतु ।

आपला
नानासाहेब

व्यवसाय भविष्यात कसा राहील ? success in business

नमस्कार मित्रानो

ब-याच कालावधीनंतर लिहिण्यासाठी वेळ मिळाला. म्हणून लिहितोय. अर्थात सध्या कुंडली मध्ये काही विशेषता: जाणवली कि मगच मला लिहायला बर वाटत. असो.

मागे एकदा असाच एका परीचीताचा फोन आला. मला म्हणाले “माझे एक स्नेही जरा अडचणीत आहेत त्यांना वेळ द्या. मीही त्यांच्या सोबत येतोय.”

सायंकाळी ठरल्या वेळेवर ते आले. मी त्यांची कुंडली मांडली जरा निरीक्षणं केल्यावर त्यांना विचारल “ तुम्ही जमिनी संबंधी काही व्यवसाय करता का, म्हणजे बांधकाम, जमीन खरेदी विक्री वगैरे  ?”. 

ते म्हंटले “हो... पण तुम्ही कस ओळखल ?“

मी म्हंटल “हे काही विशेष नाही. आमच्या शास्त्राचे कोणीही अगदी सुरुवातीचे अभ्यासक सुद्धा अशा गोष्टी सांगू शकतात. तुम्ही तुमचे प्रश्न काय आहेत ते विचारा?”.

त्यांनी त्यांचे प्रश्न विचारले. त्यावर आमची चर्चा झाली. त्याबद्द्ल मी इथे काही सांगत नाही. त्यांच्या एका प्रश्नावर वर आपण फोकस करू. त्यांनी त्यांचा व्यवसाय भविष्यात कसा राहील 

याबाबत विचारणा केली.

ती कुंडली बाजूला देत आहे. त्या कुंडलीवर टिचकी मारून मोठी करून पाहता येईल. अर्थातच मी जातकाचे नाव गुप्त ठेवण्यासाठी कुंडलीतून काढून टाकले आहे.

वर सुरुवातीला सांगितल्या प्रमाणे ते बांधकाम व्यावसायिक आहेत. तसेच जमीन खरेदी विक्रीचा व्यवसाय ते करतात.  हाच व्यवसाय ते का करतात बघू या.....

दशमाचा उपनक्षत्र स्वामी राहू असून तो नवमात आहे. राहू रवीच्या दृष्टीत, रवी तृतीयात, लग्नेश व द्वीतीयेश, रवी चित्रा नक्षत्रात, मंगळ पंचमात व चतुर्थेश, राहू मेषेत.  

दशमाचा उप नक्षत्र स्वामी मंगळाचा व चतुर्थ भावाचा कार्येश झाला आहे.

दशास्वामी शनी २००८ ते २०२९ पर्यंत कार्येश आहे. म्हणजेच शनीची महादशा आहे.

दशास्वामी शनी ८, ६, ७  दशास्वामी शनी स्वनक्षत्रात असल्यामुळे नियमाप्रमाणे त्याचा उप नक्षत्र कार्येश होईल. दशास्वामी शनी ८, ६, ७    उप नक्षत्रस्वामी राहू ९ दृष्टी रवी ३ १ २ नक्षत्रस्वामी मंगळ ५, ४ , दृष्टी बुध ३, ३, ११, बुध गुरूच्या नक्षत्रात, गुरु १,५,९.  राहू केतूच्या नक्षत्रात. केतू ३ , युती रवी ३ १ २ नक्षत्रस्वामी मंगळ ५, ४, राशी स्वामी शुक्र १, १०, नक्षत्रस्वामी गुरु १,५,९

वरील प्रमाणे दशा स्वामी शनीचे कार्यश्वत्व बघता असा लक्षात येईल कि शनीच्या नक्षत्रात एकही ग्रह नसल्यामुळे व शनी ज्या भावांच प्रतिनिधित्व करतोय त्या भावात एकही ग्रह नाही त्यामुळे शनी ८, ६, ७  या भावांचा बलवान कार्यश झाला व राहूच्या माध्यमातून २,४,६,७,८,१०,११ या भावांचाही मजबूत कार्येश झालाय.  

वरील विश्लेषणाचा अभ्यास झाल्यानंतर मी त्यांना म्हंटल कि आणखी पुढील १३ वर्ष तुम्ही करोडो रुपये  कमावणार. एकाच वेळी २, ६, १०, ११ कार्येश झाल्यानंतर काय होणार हे अभ्यासकांना सांगायला नको. नाही का ?

आणखी एक गोष्ट तुमच्या लक्षात आलीय का ? दशास्वामी शनी अष्टमात असून जलतत्वाच्या राशीत आहे. आहे कि नाही चमत्कार ?

मी त्या जातकाला विचारल “ तुम्ही जमिनीखालील बांधकाम करता का ? जसे भूमिगत गटारी वगैरे?” तर त्याने काय उत्तर दिल असेल ?

“हो मी जमिनी खाली बांधकामही करतो. खर म्हणजे माझ्या व्यवसायातील एक प्रमुख घटक तोच आहे. परंतु सध्या तरी गटारी वगैरे नाही तर पेट्रोल पंपाचे बांधकाम, दुरुस्तीचे काम करतो.”

आता कळलं का ? मी चमत्कार का म्हंटल ते ? अहो शनी तेलाचा कारक नाही का ?  अर्थात नसेल लक्षात आल तरी हरकत नाही. पेट्रोल पंपाच मलाही क्लिक झाल नव्हत. असो.

एकूण काय तर हि व्यक्ती याच व्यवसायात चिकार पैसा कमावणार आहे.

शुभं भवतु !

आपला
नानासाहेब

वैवाहिक सौख्य कसे राहील ? married life problems

नमस्कार मित्रानो !

परवा एक जातक विवाह विषयी प्रश्न  विचारण्यासाठी आला.  त्याने सोबत एक कुंडली सुद्धा आणली होती.  मी  त्याच्या कडची पारंपारिक कुंडली पाहून त्याला म्हंटले कि या कुंडली वरून विवाह योग सांगता येणार नाही.  मला कृष्णमुर्ती पद्धतीची कुंडली  लागते.  तुमच्याकडे नसेल  तर राहू द्या मी माझ्या संघनकावर तयार करून घेतो. जरा वेळ लागेल तो पर्यंत बसा.

ही कुंडली मी बाजूला देत आहे. टिचकी मारून ती मोठी करून बगता येईल. जातकाची इतर माहिती गोपनीयतेमुळे काढून टाकली आहे. 

मी कुंडली तयार करून त्यातील वैवाहिक सौख्य कसे असेल विवाह योग कधी आहे वगैरे गोष्टीं अभ्यासायला सुरवात केली अन  बसलेल्या जातकाला   काय सांगावे हा प्रश्न पडला.  बहुतेक मला पडलेला पेच त्याला कळला असावा. तो म्हंटला "तुम्ही अगदी बिनधास्त सांगा जे काही असेल ते. तुम्ही शुगर कोटेड काही सांगत नाही म्हणूनच तुमच्याकडे आलो"

"शुगर कोटेड वगैरे मला सांगता येत नाही. जे आहे तेच सांगायला लागत. " अस म्हणून मी त्याला कुंडली समजावून सांगायला सुरुवात केली तर तो मध्येच मला थांबवत म्हंटला "मला कुंडलीतल काही कळत नाही त्यामुळे मला त्यातल्या तांत्रिक बाबी नाही सांगितल्या तरी चालतील, मला फक्त एव्हढंच सांगाल  लग्न होणार आहे का ?, आज माझं वय ३५ आहे. आणखी किती वर्ष प्रयत्न करू ?, गेल्या सहा  सात वर्षापासून लग्न योग आहे म्हणतात पण लग्न जमत नाही " त्याच्या या बोलण्यातून प्रचंड निराशा जाणवत होती. 

"तुम्ही लग्न करू नका " मी एका वाक्यात त्याला कुंडली सांगितली. 

"काय ?"  त्याला विस्मय वाटला असावा बहुतेक 

" तुमच्या कुंडलीत विवाहाचे योग नाहीत. आणि समजा अपवादात्मक परिस्थितीत लग्न झालंच तरी वैवाहिक सुख अत्यल्प असल्यामुळे दोन तीन  महिन्याच्या वरती हे लग्न टिकणार नाही" 

"अहो अस कस ?, मला सरकारी नोकरी आहे , स्व:ताच घर दार आहे तरी लग्न होणार नाही ?" त्याला नाही म्हंटल तरी प्रचंड  धक्काच बसला. 

"रतन टाटांकडेहि घर दार , गाडी वगैरे सगळं आहे,    तरी लग्न मात्रं झालं नाही, अगदी भिक-यांचेही लग्न होतात पण नवकोट नारायणाच राहून जातं .  " मी त्याचा गैरसमज दूर करण्यासाठी बोललो. 

सप्तमाचा उपनक्षत्र स्वामी बुध पंचमात व पंचमेश, शनीच्या नक्षत्रात, शनि षष्ठात, लग्नेश व व्ययेश आहे बुध कुठल्याच प्रतीने विवाहाचा कार्येश होत नाही .

शुक्र दशा २०१२ ते २०३२ पर्यंत.  दशास्वामी शुक्र  षष्ठात, अष्टमेश व तृतीयेश, शुक्र केतूच्या नक्षत्रात, केतू व्ययात, केतू शनीच्या राशीत, शनि षष्ठात, व्ययेश व लग्नेश, शनि शुक्राच्या नक्षत्रात, शुक्र वरील प्रमाणे कार्येश. या कुंडलीतील शुक्र, शनि , रवि, चंद्र, राहू, केतू , बुध हे सर्व ग्रह षष्ठ व व्यय या वैवाहिक सौख्य  बिघडवना-या भावांचेच बलवान कार्येश आहेत.त्यामुळे दशां स्वामी शुक्र त्याच्या संपूर्ण दशा कालात वैवाहिक सौख्य मिळू देणार नाही. त्यामुळे लग्न करून दुस-या व्यक्तीच्या आयुष्याची वाट लावण्यात काय अर्थ आहे. 

"मग इतर लोक मला दरवर्षी विवाह योग आहे अस खोट का सांगतात?" त्याने त्याचा मनातला सल सांगितला 

अभ्यासकांनी लग्न कुंडली नीट बघावी. लग्न कुंडलीत  शुक्र, रवि शनि व राहू हे चार ग्रह सप्तमात आहेत, सप्तमेश सप्तमात आहे त्यामुळेच लग्न योग दिसतो. परंतु भावचलित बघितल्यावर मात्र हा गैरसमज दूर होईल व कृष्णमुर्ती पद्धतीत भावचलित कुंडलीला महत्व का देतात ते कळेल.   

तो निराशेनेच उठला. मला त्याच्याकडे बघून वाईट वाटत होतं पण….  नाईलाज को क्या इलाज ? … 

"समजा चुकून लग्न झालच तर ?" जाता जाता त्यानं विचारल . 

"जेव्हढ सुख मिळेल तेव्हढ आनंदाने उपभोगा, बाकी जे होईल ते होईल  … लढते रहो  " अस म्हणून मी त्याला निरोप दिला

शुभं भवतु !

आपला 

नानासाहेब

ओपन हार्ट सर्जरी यशस्वी होईल का ?

नमस्कार मित्रानो !

जून महिन्यात एक इ - पत्र आल.  त्या पत्रात एका जाताकासंबंधी काही प्रश्न विचारले होते.  त्यातला एक अत्यंत महत्वाचा प्रश्नच मी इथे घेत आहे. प्रश्न होता "ओपन हार्ट सर्जरी यशस्वी होईल का ?". या जातकाला लहानपणा पासून हृदयाचा त्रास होता.  बाजूलाच ती कुंडली दिलेली आहे. कुंडलीवर टिचकी मारून ती मोठी करून पाहता येईल. 

हा जातक गुजरातमधील आहे.हि एका तरुण स्रि जातकाची कुंडली आहे. 

लग्नाचा उपनक्षत्र स्वामी बुध सहा , आठ , बाराचा बलवान कार्येश आहे. त्यामुळे जाताकास आरोग्याची साथ मिळणार नाही हे दिसून येते. षष्ठाचा उप नक्षत्र स्वामी शनि मंगळाच्या नक्षत्रात आहे व मंगळ सिंह राशीत आहे त्यामुळे हार्टशी संबंधी विकार झाला.  

सध्या कुंडलीला शनीची महादशा सुरु आहे. शनि पंचमात, दशमेश  व लाभेश आहे. शनि मंगळाच्या नक्षत्रात, मंगळ पंचमात व सप्तमेश आहे. दशास्वामी पाच, अकराचा कार्येश आहे त्यामुळे या दशेत ऑपरेशन केल्यास जातक आजारातून  पूर्ण बरा होईल हे नक्की. 

जून महिन्यात कुंडलीस शुक्र अंतर्दशा सुरु होति. शुक्र अष्टमात व लग्नेश, शुक्र बुधाच्या उपनक्षत्रात, बुध षष्ठात, द्वितीयेश व तृतीयेश लागला त्यामुळे  ही अंतर्दशा सोडावी लागली. ही ऑगस्ट पर्यंत होती. 

पुढील अंतर्दशा रवीची होती. आता ती सुरु आहे. रवि सप्तमात व पंचमेश, रवि शनीच्या नक्षत्रात, शनि पंचमात, दशमेश व लाभेश. अंतर्दशा स्वामी रवि पाच, अकरा चा बलवान कार्येश आहे . म्हणून मी सप्टेबर च्या पहिल्या दहा दिवसात ऑपरेशन चा सल्ला दिला.     

ठरल्याप्रमाणे  या जातकाच्या बहिणीने तिला हॉस्पिटलात दाखल केल व अत्यंत क्लिष्ठ, अवघड अशी शस्त्रक्रिया यशस्वी रित्या पार पडली. त्या आनंदाच्या भरात जातकाच्या बहिणीने मला ही बातमी फोनवर कळवली.  आनंदाश्रू फोनमधून दिसत नसले तरी त्यांच्या भारावलेल्या आवाजातून नक्की जाणवत होते. 

अर्थात याच श्रेय जात ते डॉक्टरांनाच.  ज्यांनी अत्यंत कुशलतेने काळजीपूर्वक ही शस्त्रक्रिया पार पाडली तेच खरे या श्रेयाचे मानकरी. 

शुभं भवतु !

आपला 

नानासाहेब 

डिलीवरी नॉर्मल होईल का ?

नमस्कार मित्रानो

त्या दिवशी दुपारचा  एक वाजत आला तरी कार्यालयातच होतो. एका डॉक्टरच्या कुंडलीतील वैवाहिक सौख्य कसे आहे ते अभ्यासायच काम चालू होत. वैवाहिक सौख्य जवळपास संपल्यातच जमा होत. काही केल तरी किमान पाच वर्ष त्याला हा त्रास म्हणा जाच म्हणा हा राहणारच या निष्कर्षा पर्यंत मी आलो ..तोच प्रशांत आला. त्याच्याबरोबर त्याचा मित्र योगेश होता. 

म्हंटल "काही विशेष ? अचानक आलास ?"
"विशेष काही नाही . बायको डीलेवरी साठी माहेरी गेली आहे." प्रशांत  बोलला
"अरे ! मग विशेष नाही कसं ? अभिनंदन !"
"डॉक्टरांनी डिलिवरी ची 25 ऑगस्ट  ही तारीख दिली"
"बर ! मग ? काही अडचण आहे का ?" मला त्याच्या अशा अचानक येण्याने चिंता वाटली 

"नाही नाही … तसं काही काळजी करण्यासारखं नाही. सहज आलो "   तो घाईघाईत बोलला

"अरे नाही कस आज 20 तारीख आहे. डॉक्टरांनी सांगितल्या प्रमाणे अजून पाच दिवस अवकाश आहे. आणि तू माझ्याकडे आलायस तर नक्की काही तरी प्रश्न असणार. कारण माझ्याकडे विनाकारण सहसा कोणी येत नाही"   

"फक्त एव्हढंच विचारायचं की डिलीवरी नॉर्मल होईल का ? आणखी एक … " अस म्हणत तो जरा थांबला.
"आणखी काय ?"
"मुलगी होईल की मुलगा  ?.  "
"अरे काय तू पण …. आणखी पाच दिवस थांब … कळेलच की ……. "
"मुलगा मुलगी काहीही झाल तरी मला आनंदच होईल. फक्त शास्त्र काय म्हणतंय ते सांगा "
"ठीक आहे . " अस म्हणत मी रुलिंग घेतलं

निव्वळ रुलिंग वरून हा प्रश्न सोडवायचा मी ठरवलं. कारण दीड वाजत आला होता. पोटात काव काव सुरु झाली होती  

दिनांक 20. 8.2013    वेळ 1:30  pm

या वेळचं रुलिंग (R. P) असं होत
मंगळ - चंद्र - शनी - मंगळ

रुलिंग मध्ये मंगळाची दोनदा उपस्थिती पाहिल्यानंतर मुलगा की मुलगी या प्रश्नाच उत्तर कळल पण डिलिवरी ची तारीख चुकते कि काय ? कारण रुलिंग मधील शनीची उपस्थिती…

"प्रशांत !….  डॉक्टरांनी दिलेल्या तारखेला ही डिलिवरी होणार नाही. उशिरा होईल. उशिर झाला तर उगाच काळजी करायचं कारण नाही " मी त्याला आधी जे महत्वाच होत ते सांगितलं   

 

"किती उशीर होईल ?" त्याने विचारलं

"दोन चार दिवस होऊ शकतो "
"काय होईल ? मुलगा … मुलगी … ते नाही सांगितलं अजून "
"मुलगा होईल … पेढे दयायला विसरू नको " असं म्हणत मी उठलो.

2 सप्टेबर ला त्याचा फोन आला … मुलगा झाल्याच सांगितलं … डिलिवरीही   नॉर्मल झाली .  25  तारखेची 2 तारीख उगवली तब्बल 9 दिवस उशीर . शनीन आपला प्रताप दाखवलाच. तरीही दोनच तारीख का 30 का नाही 31 का नाही असा विचार हे लिहित असताना मनात  आला.
    
अभ्यासकांनी इथे जरा लक्ष दयाव.

25 -26  ला चंद्र मेषेत, रुलिंग मध्ये मंगळ आहे पण शनि  मुळे उशीर … म्हणून या दोनी तारखा सोडल्या पुढे चंद्र वृषभेत , नंतर 30 -31 मिथुनेत , एक तारखेला 17:37 नंतर कर्केत. चंद्र रुलिंग मध्ये नक्षत्र स्वामी म्हणून बलवान आहे. म्हणजेच एक तारखेला सायंकाळ नंतर ते दोन तारखेच्या रात्री 12 पर्यंत डिलिवरी व्हायला हवी व त्याच दरम्यान ती झाली.  

 

खात्री करण्यासाठी पंचांग उघडून बघा . रुलिंगचं (RP)  महत्व कळेल … !

शुभं भवतु !

आपला
नानासाहेब
             

घटस्फोटाची गोष्ट

 ॥ श्री ॥ 

नमस्कार मित्रहो !

सध्या उन्हाळ्याचे दिवस सुरु आहेत. त्यामुळे दुपारी जेवण झाल कि सुस्ती यायला लागते. वाटत घरी जाव अन मस्त झोप काढावी. पण ऑफिसला फक्त शनिवारी सुट्टी असते. त्यामुळे असले विचार डोक्यात येवूनही उपयोग नाही.     

आजही तसच झाल. दुपारच्या वेळी संगणकावर एका कुंडलीचा अभ्यास करत होतो. स्क्रिनकडे एकटक बघून बघून डोळे तारवटायला लागले होते पण कुंडली सुटत नसल्यामुळे कामही थांबवता येत नव्हत. पेंग यायला लागली तस उठलो ते तडक अन्सारच्या हॉटेलात. म्हंटल चहाही घेण होईल, सुस्तीही जाईल आणि पायही मोकळे होतील.

चहा घेत असतांनाच फोन आला "गुरुजी नमस्कार ! मी अमुक अमुक  …………. "

म्हंटल "बोला … बोला " मला काहीजण गुरुजी म्हणतात तर काही लोक सर म्हणतात.

"मुलाची कुंडली मेल केलीय. आमच्या मुलीची कुंडली तुमच्याकडे आहेच तर तेव्हढ जमत का बघा "

"ओके ! बघतो. पण तुमच्या मुलीची कोर्टात केस चालू होती त्याच काय झाल ? घटस्फोट मिळाला का ?"  

"हो .. हो .. मिळाला "

"ठीक आहे " अस म्हणत मी उरलेला चहा संपवला पण लगेच न उठता पाचेक मिनिटे डोळ्यांना विश्रांती म्हणून उगाचच दूर पाहत बसलो. (डोळ्यांचे डॉक्टर सांगतात दर वीस मिनिटांनी डोळ्यांना आराम दया.. दूरवर बघा, हिरवळीकडे किंवा हिरवे निसर्गचित्र बघा ..वगैरे  )

ऑफिसला येताच आधी त्या मुलीची कुंडली उघडली ..... 

२०११ ला या मुलीच्या घरच्यांनी मला तिची कुंडली दाखवली होती. त्यावेळी मी कुंडलीची दशा बघून सांगितलं  होत कि कुंडलीत वैवाहिक सौख्य अल्प आहे, त्रासदायक आहे, काळजी घ्या. कदाचित घटस्फोट होऊ शकतो.

यावर त्यावेळी तिच्या घरच्यांनी जी माहिती दिली होती ती अशी ….

मुलीच उच्च शिक्षण  झालं. योग्यवेळ येताच तीच लग्न झाल आणि दोनच महिन्यात मुलगी घरी आली ती पुन्हा कधीही सासरी न जाण्यासाठीच.   

काय घडल असेल ? अभ्यासकांसाठी कुंडली बाजूला देत आहे. तसेच कोर्स च्या विध्यार्थ्यानी सुद्धा या कुंडली चा अभ्यास करावा.

जातकास सध्या राहू दशा आहे ती २०२० पर्यंत.

राहू षष्ठात, बुधाच्या दृष्टीत, बुध ;लग्नात, अष्ठमेश व लाभेश, बुध शनीच्या नक्षत्रात, शनि व्ययात, तृतीयेश व चतुर्थेश तसेच राहू रवीच्या नक्षत्रात, रवि व्ययात व दशमेश, राहू शुक्राच्या राशीत, शुक्र लग्नात, सप्तमेश व व्ययेश, शुक्र केतूच्या नक्षत्रात केतू व्ययात.           

राहू दशास्वामी कुठल्याही प्रतीने वैवाहिक सौख्याचा बलवान कार्येश होत  नसून वैवाहिक सौख्य संपविण्याचाच बलवान कार्येश झाला आहे. 

दशा कालावधी संपायला तब्बल नऊ ते दहा वर्ष बाकी. हा कालावधी वैवाहिक सौख्यास वाईटच जाणार. दुसर लग्न करा किंवा तिसर करा…. काही फरक पडणार नाही फक्त दगडापेक्षा वीट मऊ अस होईल. 

या कुंडलीचा सप्तमाचा सब लॉर्ड बुध ;लग्नात वृश्चिक राशीत, शनीच्या नक्षत्रात व शनि व्ययात तूळ राशीत त्यामुळे जोडीदार हा शरीर सौख्याची इच्छा असली तरी उपभोग न घेऊ शकणारा, अतृप्त किंवा नपुंसक मिळतो. आणि याच कारणामुळे मुलगी दोन महिन्यातच घरी आली…. ती कायमची …पुन्हा कधीही  न जाण्यासाठी.  

दशा स्वामी राहू ३, ८, ११ व  १२   चा कार्येश असल्यामुळे घटस्फोट झाला.

आता दुस-या लग्नासाठी स्थळ पाहण्यास सुरुवात झाली आहे. मग दुसरा विवाह होईल का ? … तर नक्की होणार कारण सप्तमाचा सब लॉर्ड बुधच आहे शिवाय  दशास्वामी दुस-या विवाहासाठी आवश्यक म्हणून लाभेश आहे त्याच बरोबर  अष्टम भावाचाही कार्येश आहे. त्यामुळे दुसरा विवाह होणार हे नक्की.

पहिला विवाह वरील कारणाने संपुष्ठात आला. ठीक आहे झाल गेल गंगेला मिळाल. पण या मुलीचा दुसरा विवाह सुद्धा संपुष्टात येणार आहे …… काय कारण असेल बर ..... तुम्हीच ओळखा … !

शुभं भवतु !

आपला
नानासाहेब 

कृष्णमुर्ती पद्धती अभ्यासक्रम

।। श्री ।।

मित्रहो !

११ एप्रिल २०१३ पासून कृष्णमुर्ती पद्धती Course सुरु करत आहोत.

ज्यांना इच्छा असेल त्यांना हा अभ्यास Distance Learning Method ने करता येणार आहे.

Course Fee  व  इतर माहिती करिता संपर्क साधावा.

संपर्क : nanasaheb@mail.com     nanasaheb.kp@gmail.com

भ्रमणध्वनी : ९०४९०७९२६४