विहिरीला पाणी लागेल का ?

ऑफिसला जाण्याची  तयारी करत होतो.  इतक्यात माझे  मित्र  निंबाळकर आले.

म्हंटल "या निंबाळकर  एव्हढ्या सकाळी सकाळी कस काय येण केल, काही विशेष ? "

ते म्हणाले "विशेष काही नाही द्राक्ष घेऊन आलो. वानोळा.". 

चहा पाणी झाल्यानंतर आम्ही दोघेही निघालो. त्यांना सलूनमध्ये दाढी करायची होती व मला ऑफिसला जायचं होत. रस्त्याने चालता चालता ते बोलले "विहीरीच काम चालू आहे मळ्यात. विहिरीला पाणी लागल."

मी म्हंटल " अरे वा !  गुड  न्यूज,  अभिनंदन "

"विहिरीला पाणी लागेल का ? असा प्रश्न मी विचारला होता. आठवत का ?". निंबाळकर बोलले.

मला आठवेना. मी त्यांना विचारलं "मी काय उत्तर दिल होत.?"

"पाणी लागेल. काळजी करू नका."

ऑफिसला आल्या आल्या मी निंबाळकर यांची प्रश्नकुंडली उघडली व मी काय लिहील होत ते पाहिलं तसा मला त्या वेळचा प्रसंग आठवला.   

"विहिरीला पाणी लागेल का ? " हा प्रश्न श्री विजय निंबाळकर यांनी २४ जानेवारी २०१२ ला सकाळी ११:३० वा. विचारला होता.

ते म्हणाले हा प्रश्न माझ्यासाठी अत्यंत महत्वाचा आहे. कारण आजकाल विहीर खोदण म्हणजे खूप खर्चिक काम झालय.

"जुनीच विहीर खाली खोदायची कि नवीन विहीर काढायची " मी विचारल

"नवीन "

हे ऐकल्यावर मी टोकन ची पिशवी त्यांच्या पुढे ठेवली.  त्यांनी त्यातील १३७ नम्बरच टोकन काढल.

हा प्रश्न २४ जानेवारी २०१२ ला सकाळी ११:३० मी. विचारला होता.

मी के पी सिड घेतला वा प्रश्न कुंडली तयार केली. चंद्र चतुर्थात पाहिल्यानंतर प्रश्न अगदी मनापासून विचारला हे कळल.

ती प्रश्न कुंडली मी बाजूला दिली आहे. त्यावर टीचकी  मारून ती मोठी करून पाहता येईल.

लाभाचा उप नक्षत्र स्वामी गुरु असून तो षष्टात, तृतीयेश तसेच गुरु केतूच्या नक्षत्रात. केतू अष्टमात. केतूवर कोणाचीही दृष्टी नाही, केतू चंद्राच्या नक्षत्रात, चंद्र चतुर्थात व दशमेश, केतू शुक्राच्या राशीत, शुक्र चतुर्थात, लग्नेश.

चंद्र हा ग्रह जलतत्वाचा कारक आहे. शिवाय तो चतुर्थात आहे. चतुर्थ भावाचा  जमीन, जागा इत्यादी संदर्भात प्रश्न  पाहताना विचार केला जातो. याचा अर्थ लाभाचा उप नक्षत्र स्वामी गुरु चतुर्थाचा कारक आहे. 

चतुर्थाचा उप नक्षत्र बुध ३  ९  १२ आहे, बुध रवीच्या नक्षत्रात, रवी ३  ११ आहे. म्हणजेच चतुर्थाचा उप नक्षत्र बुध लाभाचा कारक आहे.

मी हे  सगळ विश्लेषण करून त्यांना सांगितलं कि अपेक्षित पाणी लागेल व चांगल जोरदार लागेल.  काम चालू करा.

त्यानंतर आज जेंव्हा निंबाळकर भेटले तेंव्हा त्यांनी खुलासा केला. त्यांनी सांगितलं कि "तुम्ही सांगितलेल्या भविष्याचा आम्हाला एक चांगला अनुभव आला. अगदी २० फुटालाच १० फुट पाणी लागल. काळजी मिटली."  

शुभम भवतु 

आपला 

नानासाहेब 

छाया ग्रहाचा खेळ जमवी लग्नाचा मेळ !

समोर बसलेला जातक जेंव्हा त्याच्या लग्नाची चिंता व्यक्त करत होता तेंव्हा मला आश्चर्यच वाटलं. अर्थात मला जे वाटलं तेच त्याच्याकडे पाहिल्यानंतर कुणालाही वाटलच असत. रुबाबदार देखणा तरुण, सरकारी भरपूर पगाराची नोकरी, लग्नाच्या आधीच स्वतःच्या मालकीचा मोठा बंगला, ४० लाखाची अद्ययावत कार, स्थावर जंगम वगैरे वगैरे आणि अस असूनही लग्न जमत नाही. मग आश्चर्य वाटणार नाहीतर काय ?

हा जातक  ऑक्टोबर २०११ मध्ये आला होता.  त्याची पत्रिका मी बाजूला दिलेली आहे. ती वाचकांना टिचकी मारून बघता येईल. गोपनियतेमुळे त्याच  नाव वगैरे  माहिती मी काढून टाकली आहे.    

जातकास  सध्या  शुक्राची  महादशा  सुरु असून  ती २०२२ पर्यंत आहे. तसेच  राहूची  अंतर्दशा  सुरु आहे. ती २००९ ते ०६.०३.२०१२ अशी आहे. त्यानंतर गुरूची अंतर्दशा ती नोव्हेंबर २०१४ पर्यंत 

शुक्र व्ययात  तृतीयेश  तसेच  दशमेश, शुक्र केतूच्या नक्षत्रात. केतू  चतुर्थात, केतूवर कुठल्याही ग्रहाची दृष्टी नाही, तो कुणाच्याही युतीत नाही. केतू शुक्राच्याच नक्षत्रात. केतू गुरूच्या राशीत, गुरु कुटुंब स्थानी, पंचमेश तसेच अष्टमेश, गुरु राहूच्या नक्षत्रात. राहू दशमात, राहू  गुरु व शनीच्या दृष्टीत, शनी लग्नेश, षष्टेष आणि सप्तमेश, शनी मंगळाच्या नक्षत्रात, मंगळ कुटुंब  स्थानी, चतुर्थेश व लग्नेश, राहू बुधाच्या राशीत, बुध लग्नात, द्वितीयेश व लाभेश, बुध चंद्राच्या नक्षत्रात, चंद्र सप्तमाचा मजबूत कार्येश तसेच व्ययेश.

वरील जंत्रीच अवलोकन करून मी त्याला सांगितले  कि " तुझे  यंदा  कर्तव्य  पूर्ण  होईल. काळजी  करू  नको "   तो म्हंटला "कधी होईल ते सांगा. जर योग नसेल तर उगाचच मुली बघत फिरण्यात काय अर्थ आहे. कारण प्रत्येक वेळेस असच होत. एकतर मला मुलगी पटत नाही किंवा मुलीवाले मला नापसंत करतात. " 

मी रुलिंग प्लानेट बघितले. रुलिंग मध्ये शुक्र लग्नाचा स्वामी व चंद्र नक्षत्र स्वामी गुरु. म्हणून रवी जेंव्हा शुक्राच्या नक्षत्रातून व गुरूच्या उप नक्षत्रातून भ्रमण करीन त्या दरम्यान लग्न होईल. मेषेत शुक्राचे नक्षत्र  २७ एप्रिल  ते ५ मे दरम्यान आहे. म्हणून मी त्याला सांगितले कि तुझे लग्न २७ एप्रिल ते ५ मे च्या आत होईल. 

त्यानंतर  काल  मला त्याचा फोन  आला. लग्न जमलय  व  24 एप्रिल २०१२ या  तारखेला   लग्न आहे. मी त्याच अभिनंदन केल व सहज त्याची पत्रिका उघडून पहिली. विचार केला, दोन  दिवस आधी लग्न होतंय. अस का बर ? 2७ ते ५ मे दरम्यान लग्न न होता २४ ला का होईल ? पत्रिकेत त्यावेळच रुलिंग होतच.  ते पाहिलं अन घोळ लक्षात आला.  रुलिंग मध्ये केतुही आहे. व केतूचे अश्विनी नक्षत्र १४ एप्रिल ते २७ एप्रिल दरम्यान आहे.  रुलिंग मध्ये चंद्र राशी स्वामी शनी आहे. शनी या उप नक्षत्राची व्याप्ती ९:२० ते ११:२६ अंश आहे.  म्हणजेच 'रवी ज्या वेळी  केतूच्या नक्षत्रातून शनीच्या उप नक्षत्रात प्रवेश करीन त्या कालावधी मध्ये लग्न होईल. हा कालावधी २3 ते २5 एप्रिल असा आहे. आणखी पुढे जाऊन अस म्हणता येईल कि रवी जेंव्हा केतूच्या नक्षत्रातून शनीच्या उप नक्षत्रातून व शुक्राच्या उप उप नक्षत्रातून (शुक्राच्या  उप उप नक्षत्राची व्याप्ती १०:२६ अंश इतकी आहे)  भ्रमण करील त्या दिवशी म्हणजेच २४ एप्रिल २०१२ या तारखेला या तरुणाच लग्न होईल.    

एकूण काय तर पुन्हा एकदा ज्योतिष मार्तंड श्री कृष्णमुर्तिनी सांगितल्या प्रमाणे त्यांच्या 'छाया ग्रह हे इतर ग्रहांपेक्षा नेहमीच व जास्त बलवान असतात'  या नियमाच  प्रत्येंतर आल. 

शुभं भवन्तु !

आपला
नानासाहेब 

दिलेल्या तारखेच्या आतच लग्न ठरलं

नमस्कार !

सध्या जिकडे तिकडे मंगल कार्य चालू आहेत. लग्नाची धावपळ जोरात सुरु आहे. ज्याचं लग्न नुकतच झालं ते खुश, ज्याचं ठरलं ते खुश पण या गर्दीत काही लोक मात्र आनंद हरवून बसतात. त्याचं लग्न जमत नाही. कुठे मुलाच जमत नाही, कुठे मुलीच जमत नाही. त्यामुळे पालक, त्यांचे नातेवाईक, स्नेही, मित्र मंडळी या सर्वाना ती चिंता  लागून  राहते. मग अश्यावेळेस,  इतर  वेळी  ज्योतिष  शास्त्राला  नाव ठेवणारे, नाक मुरडणारे लोक सुद्धा  ज्योतिर्विदांकडे जातात असो. ज्योतिष शास्त्राला नाव ठेवणारे  आणि त्याला मानणारे हा वाद पुरातन आहे.

तर असाच एक जातक नोव्हेंबर  महिन्यात त्याच्या भाचीची पत्रिका घेऊन आला होता. त्या मुली साठी वर संशोधन गेल्या २ ते ३ वर्षांपासून सुरु होत वगैरे माहिती जातकाने दिली. पत्रिका के. पी. पद्धतीची नसल्यामुळे मी नव्याने ती तयार केली. हि पत्रिका मी त्या मुलीच नाव न टाकता बाजूला दिलेली आहे.  वाचक ती बघू शकता.

या पत्रिकेला राहू महादशा १९९३ पासून सुरु होती व ती डिसेंबर २०११ पर्यंत कार्यरत. राहू बुध, रवी, शनीच्या दृष्टीत. बुध, रवी षष्ठाचा मजबूत कार्येश तसेच शनी दशमात,व्ययेश व लग्नेश . बुध शुक्राच्या नक्षत्रात, शुक्र चतुर्थाचा कार्येश व नवमेश, रवी व शनी केतूच्या नक्षत्रात, केतू सप्तमात, केतूचा नक्षत्रस्वामी शुक्र व तो रवीच्या राशीत. तसा रवी सप्तमाचाही क्षीण कार्येश आहे. हा क्षीण कार्येश सोडला तर वरील जंत्रीतील ग्रह कुठल्याही पद्धतीने लग्नाचे कार्येश नाहीत. तसेच हि महादशा संपत आली तरी लग्न ठरल नाही. त्यामुळे तो क्षीण कार्येश काही कामाचा नाही हे लक्षात येत.

जानेवारी पासून गुरूची महादशा सुरु होणार होती. गुरु तृतीयात, लाभेश तसेच द्वितीयेश आहे गुरु चंद्राच्या नक्षत्रात, चंद्र सप्तमात व षष्ठाचा कार्येश आहे, चंद्र जरी षष्ठाचा कार्येश असला तरी त्यापेक्षा तो सप्तमाचा बलवान कार्येश आहे त्यामुळे या महादशेत विवाह होणार यात शंकाच नाही. पहिली अंतर्दशा गुरूचीच. 

एकंदरीत काय तर अश्या प्रकारे कुंडलीचे सूक्ष्म निरीक्षण करून मी त्या जातकाला त्याच्या भाचीचे लग्न ४ मार्च २०१२ पर्यंत जमेल अस सांगितलं. त्यानंतर डिसेंबर गेला, जानेवारी, फेब्रुवारी हेही गेलेत. त्यानंतर          २ मार्चला हा जातक पुन्हा सकाळी कार्यालयात आला व म्हणाला "भाचीच लग्न ठरलं. १ तारखेला सगळी बोलणी झाली. तारीख फक्त जूनची घेतली. तुम्ही सांगितल्या प्रमाणे ४ मार्चच्या आतच लग्न ठरलं. आम्हाला सगळ्यांना हे खूपच विशेष वाटलं. तुम्ही ग्रेट आहात." 

मी फक्त हसलो आणि म्हणालो (मनातल्या मनात हं ) " आम्ही कसले ग्रेट ? जे संशोधन गुरुवर्य ज्योतिष मार्तंड श्री कृष्णमुर्तिनी ४० वर्ष केल, त्याचा प्रचार प्रसार करण्यासाठी रक्त आटवल, ते खरे ग्रेट. आम्ही त्या दिंडीतले एक वारकरी हेच काय आमच कर्तुत्व. आम्ही फक्त त्यांचे नियम पाळतो. खरी प्रचीती त्यांच्या नियमांची येते"

त्यांच्या नियमांना च्यालेंज करून उगाचच स्वतःची टिमकी मिरवण्यात काय अर्थ आहे, नाही का ?

आपला 

नानासाहेब

   

अनुभवाशिवाय शहाणपण नाही..

नमस्कार !

काल माझे मित्र ज्ञानेश्वर पल्हाळ यांचा सकाळी फोन आला. म्हंटले ' ज्ञानेश्वर कदम यांना तुम्हाला काही सांगायचं आहे,  भेटण्याची वेळ द्या ' मी म्हंटल ठीक आहे, कारण मीही त्यांना जातक म्हणून ओळखतो. मागे एकदा ते माझ्याकडे येऊन गेलेत. हि अगदी साधी गोष्ट पण तरीही काहीतरी चुकतंय अस त्या वेळी मला जाणवलं. जरा विचार करता लक्षात आल कि माझ्याकडे प्रत्येक जन काहीतरी विचारायला आलेला असतो  अशी भेट वगैरे  ठरवून  काही सांगण्यासाठी  तर  नाहीच.  मामला  नक्कीच  गंभीर  असावा  अस  मला वाटल .

ठरल्या  वेळेप्रमाणे  ज्ञानेश्वर कदम आलेत . मी त्यांना विचारल  "काय ?  काही विशेष   ?"
ते म्हंटले "माझ  फार  मोठ  नुकसान  झाल .  पाच  ते सहा  लाखाला  झोपलो ."

"काय  सांगताय  काय  ? कस  काय  ?" मी.

 "सगळ्या  द्राक्ष  बागेच  नुकसान  झाल.   मागे  दोन  तीन दिवस  जी  थंडी  पडली, तिन वाट लावली माझी "

मलाही आठवल अगदी ०.२ डिग्री सेल्सिअस तापमान झाल  होत. 

"अरेरे ! खूपच वाईट झाल " मी बोललो .
"माझं एव्हढ नुकसान झाल कि वर्तमान पत्रातही छापून आलय. त्या द्राक्ष बागेचा फोटोही आलाय "
वाईटच वाटल.  वर्षभराची मेहनत व हात तोंडाशी आलेला घास असा अनपेक्षित निघून जावा हे वाईट,  अगदी वाईट.

मी अधिक काही न बोलता त्यांची पत्रिका उघडली. ती बाजूला दिलेली आहे.

हि पत्रिका मी डिसेंबर मध्ये केली होती. त्यावेळी त्यांनी व्यवसाया बद्धल विचारलं होत. काय सल्ला दिला असेल बर त्यावेळी मी त्यांना.... ?

कुंडलीस शुक्राची महादशा सुरु असून ती २०२४ पर्यंत आहे. नंतर रवीची महादशा लागणार आहे, ती २०३० पर्यंत आहे.

शुक्र १२ ३ १० असून तो केतूच्या नक्षत्रात आहे. केतू भाग्यात. केतूवर कोणत्याही ग्रहाची दृष्टी नाही, युती नाही, केतू रवीच्या नक्षत्रात, रवी १२  १, केतू शुक्राच्या वृषभ राशीत असून शुक्र पुन्हा केतूच्या नक्षत्रात. हि महादशा  संपल्यानंतर रवीची महादशा, रवि १२  १ तसेच तो केतुच्याच नक्षत्रात.


वरील जंत्री बगता शुक्र हा एकमेव ग्रह व्यवसायाचा कारक ग्रह आहे हे लक्षात येईल. शुक्र दशमेश आहे तसेच तृतीयेश हि आहे. म्हणजेच वाहन, फळांचा व्यापार, कपडे, इत्यादी संबंधित व्यवसायात जातकाला यश येईल.  

वरील व्यवसाय सोडून जर दुसरे व्यवसाय केलेत तर भाग्यातील केतू यश मिळू देणार नाही. इतर व्यवसायात नुकसान होईल.

शेती हा तुमचा पारंपारिक व्यवसाय आहे. स्व निर्मित नाही.  त्यामुळे शेतीला तुम्ही पूरक व्यवसाय म्हणूनंच ठेवा. हे सगळ मी त्यांना डिसेंबर मधेच सांगितले होते. पण  म्हणतात ना अनुभवाशिवाय शहाणपण नाही.

शुभंभवतु

आपला
नानासाहेब 

जमीन विक्री आणि शास्त्राची कसोटी ...

नमस्कार !

मागे म्हणजे ३० डिसेंबर २०११ ला माझ्या कार्यालयात एक महिला व दोन सज्जन आले होते. महिला थोडी कृश दिसत होती. अर्थात हे कुटुंब शेतकरी होतं. मी त्यांना काही विचारायच्या आत त्यांनी आपल येण्याच कारण सांगितलं. 

त्या महिलेचे वडील वारले होते. वारस म्हणून तिचही नाव स्थावर जंगम वर लागल होत.  आता त्या जमीन  विक्रीचा व्यवहार ठरला होता.  व्यवहार ब-याच दिवसांपासून ठरलेला होता, पण जमीन घेणारी पार्टी आज उद्या करत होती. 

अर्थात व्यवहार मोठा असल्यामुळे अस होऊ शकत. अश्या शुल्लक कारणासाठी कोणी ज्योतीर्विदाकडे येत नाही. तसं मी त्यांना बोललोही. 

त्यावर ते म्हंटले  "हे आजच नाही अस ब-याच महिन्यांपासून चालू आहे. अनेक व्यवहार ठरून मोडलेत. देवा धर्माची काही अडचण आहे का ? किंवा दिवंगत आत्म्याचा काही त्रास आहे का ? ते विचारण्यासाठी आलोत. काही शांती वगैरे करावी लागेल का ? काय  उपाय असतील ते सांगा आमी ते करू " 

मी यावर काही अधिक भाष्य न करता टोकन ची पिशवी पुढे केली व त्या महिलेस सांगितलं "मनात असा प्रश्न करा कि जमीन विकली जाऊन मला लाभ होईल का ?"

तिने १६८ नम्बरच टोकन काढल. तो के पी सिड घेऊन मी प्रश्न कुंडली तयार केली. ती कुंडली बाजूलाच दिली आहे. टिचकी मारून ती मोठी करून पाहता येईल. 

प्रश्न कुंडलीत चंद्र  तृतीयात  आल्यामुळे प्रश्न मनापासून विचारला हे दिसलं. कुठलीही स्थावर जंगम मालमत्ता विक्री होईल का हे बघताना दशमाचा उप नक्षत्र स्वामी ३  ५  ६  १० चा कार्येश आहे का हे पाहिल जात. 

या प्रश्न कुंडलीत दशमाचा उप नक्षत्र स्वामी शुक्र २ ६ ११ चा कार्येश आहे तसेच तो चंद्राच्या नक्षत्रात असून चंद्र ३ ८ आहे. त्यामुळे शुक्र २ ६ ११ बरोबरच ३ ८ चा बलवान कार्येश झालाय. म्हणजेच जमीन विक्री होणार  यात  काही शंकाच  नाही. तस मी त्यांना सांगितलं. लगेचच पुढील अपेक्षित प्रश्न आला. कधी ?

प्रश्न कुंडलीला गुरूची महादशा, शनीची अंतर दशा व शुक्राची विदशा सुरु आहे. 

महादशा गुरु १६.०९.२०२४ पर्यंत, अंतर्दशा शनी १७.०५.२०१३ पर्यंत, विदशा शुक्र ०४.०३.२०१२ पर्यंत आहे.

गुरु ४  ४  १ असून तो केतूच्या नक्षत्रात आहे. केतूवर बुधाची दृष्टी, बुध १२  ७  १० , बुध मंगळाच्या नक्षत्रात मंगळ ९  १२  ५. केतूचा नक्षत्रस्वामी चंद्र ३  ८ आहे. म्हणजेच महादशा तृतीयाची बलवान कार्येश आहे तसेच मंगळाशी संबंधित  आहे. जमिनीच्या कुठल्याही कामा संबंधात मंगळाचा संबंध असायला लागतो. 

अंतर्दशा स्वामी शनी १०  २  ३ असून शनी मंगळाच्या नक्षत्रात आहे व  मंगळ ९ १२  ५. याचा अर्थ शनी अंतर्दशाही जमीन विक्रीला अनुकूल आहे. 

विदशा स्वामी शुक्र २  ६  ११ , शुक्र चंद्राच्या नक्षत्रात, चंद्र ३  ८ . या विदशेत शुक्र २  ६  ११ ३ चा कार्येश आहे त्यामुळे व्यवहार पूर्ण होईल अस जरी वाटत असलं तरी लाभेश अष्टमात असल्यामुळे अपेक्षित व्यवहार होणार नाही.

यानंतर रवीची विदशा आहे. रवी १  ९ असून रवी शुक्राच्या नक्षत्रात आहे. शुक्र २  ६  ११ चा बलवान  कार्येश आहे. त्यामुळे व्यवहार पूर्ण तर होईलच पण शुक्र २  ६  चा कार्येश असल्यामुळे चांगल्या प्रतीचा लाभ होईल. 

मी वरील जंत्रीच अवलोकन करून त्यांना सांगितलं कि ४  मार्च ते १९ एप्रिल दरम्यान जमीन विकली जाईल.

मी अस म्हणताच ते सगळे एकमेकांच्या तोंडाकडे पाहायला लागले. त्यांच्या चे-यावर विस्मय दिसत होता.  

त्यांच्यातला एक जन म्हंटला "अहो काय सांगताय काय ? आत्ता ३ वाजता बँकेत पैसे जमा होणार आहेत. आजच खरेदी आहे, आणि  तुम्ही म्हणताय  अजून दोन महिने ?" 

मलाही हे ऐकून धक्काच बसला "अहो ३ वाजता जर तुमच्या खात्यावर  पैसे जमा होणार आहेत आणि आजच खरेदी आहे, मग १ वाजता माझ्याकडे येऊन प्रश्न विचारण्याच कारण काय ? "

तर यावर उत्तर काय ? "आता पर्यंत प्रत्येक वेळेस काहीना काही अडचण येत राहिली, आता काही विघ्न नको म्हणून आलो. काही अडचण असेल तर त्यावर लगेच उपाय करून टाकू "

जरी ३ वाजता यांना पैसे मिळणार होते तरी मी त्यांना सांगितलं कि "तुमचा व्यवहार मार्च नंतरच पूर्ण होईल. माझा या शास्त्रावर प्रचंड विश्वास आहे. बघू काय होत ते ?" हे अक्षरश: एक प्रकारे आव्हानच होत.

त्यानंतर ते लोक निघून गेलेत. कामाच्या व्यापात मीही हि गोष्ट विसरून गेलो. आता परवा कार्यालयात येत असताना त्यांच्यापैकी एक जन रस्त्यात अचानक भेटला व म्हणाला  ओळखल का ? वगैरे वगैरे. त्याने त्यांच्या भेटीच सांगितल्यावर मी ओळखल. म्हंटल   "काय मग ? विकली का जमीन ?" 

म्हणाला "नाही. तुम्ही  सांगितलं तसच झाल. त्या दिवशी खरेदीला पार्टी आलीच नाही. बहुतेक मार्च नंतरच व्यवहार   पूर्ण होईल अस दिसतंय."  

अश्या प्रकारे शास्त्राची प्रचीती आल्यानंतर आनंद झाल्याशिवाय  राहत नाही हे  खरच .  

शुभं भवतु !

आपला 

नानासाहेब 

आजाराने लावला जीवाला घोर ....

नमस्कार !

परवा सायंकाळी पाटील मावशी कार्यालयात आल्या. जरा टेन्स मधेच दिसत होत्या. त्यांना मी बसायला सांगितलं. त्यावेळी समोर जातक बसलेले होते. त्यांना निदान पंधरा  मिनिट तरी लागणार होती.  चाललेल्या   कन्सलटन्सी  तून  मोकळा होताच मी मावशीला त्यांचा प्रॉब्लेम विचारला. 

त्या म्हंटल्या "काकांच्या तोंडाची सारखी आग होते. तोंड आल म्हणाव  तर तसही  काही दिसत नाही. जीभ लाल झालेली नाही, तोंड आल्याच एकही लक्षण दिसत नाही, गालांचीच आग होते, पण तिथेही काही जखम वगैरे नाही, स्कीन स्पेशालीस्टलाही  दाखवलं, पण गुण आला नाही."

मी आणखी काही न विचारता टोकन ची पिशवी     त्यांच्या पुढे केली. त्यांनी १०५ नंबर काढला. पत्नीने पती बद्दल  प्रश्न विचारला म्हणून पत्रिका फिरवून घेतली. ती प्रश्न कुंडली बाजूला दिलेली आहे. टिचकी मारून ती मोठी करून पाहता येईल. 

या पत्रिकेत चंद्र अष्टमात असून तो कन्या राशीत आहे. तसेच चंद्राची कर्क राशी षष्टात आहे. म्हणजेच प्रश्न आजारा बद्दलच आहे व प्रश्न मनात न धरताही अगदी मनापासून होता हे दिसून येत.

ब-याचदा लोक  प्रश्न विचारत असतात. पण ते  अगदी वरवर असतात. प्रश्नाची तीव्रता असल्याशिवाय खर तर प्रश्न विचारू नये. कारण हे दैवी मार्गदर्शन आहे. प्रश्नाला भावनेची जोड असल्याशिवाय तो तीव्र व गंभीर असू शकत नाही, अश्या वेळेस आलेले उत्तर चुकण्याची शक्यता असते. असो. 

षष्टाचा उप नक्षत्र स्वामी शनी अष्टमात, व्ययेश व लग्नेश आहे, शनी मंगळाच्या नक्षत्रात असून मंगळ षष्टात, दशमेश व तृतीयेश  आहे. 

उप नक्षत्र स्वामी शनी कन्या राशीत आहे म्हणजेच द्विस्वभावी राशीत आहे. याचा अर्थ आजाराच निदान नीट  झालेलं  नाही. पुन्हा एकदा तपासणी करावी लागेल. 

मंगळ षष्टात म्हंटल्यावर तीव्र वेदनादायी आजार. तसेच मंगळ मज्जा तंतू  यांचे विकाराचाही कारक आहे. म्हणजे आजार नक्की काय झाला असेल बर. ..?

एकच नाव डोक्यात येत होत .. अल्सर . मी मावशींना सांगितलं  " काळजी करू नका. पुन्हा एकदा तपासणी करावी लागेल. आता तपासणी करताना अल्सर आहे का ते बघा ?"

त्या म्हंटल्या " आणखी काही नाही ना ?" . 

मी म्हंटल "काही नाही. झालेला अल्सर लवकर बरा होईल" 

कारण पंचमाचा  उप नक्षत्र  स्वामी चंद्र असून तो अष्टमात तसेच चंद्राची कर्क राशी षष्टात आहे. चंद्र राहूच्या नक्षत्रात. राहू स्वतः भाग्यात. राहूवर मंगळाची दृष्टी. मंगळ रवीच्या नक्षत्रात. रवी लाभात व सप्तमेश आहे. राहूचा राशिस्वामीही  मंगळच आहे. लाभातील  रवी शंभर टक्के आजार नीट होणार अस सांगतोय.

मावशीला सर्व समजावून सांगितलं. दुस-या दिवशी ते लगेचच काकांना घेऊन डॉक्टरांकडे गेले. मावशींचा मुलगा सचिन व त्याचा मित्र गणेश बरोबर होते. संपूर्ण तपासणी केल्यावर डॉक्टरांनी त्यांना अल्सर असल्याचच सांगितलं व तो अल्सर शंभर टक्के बरा होणार अशी खात्रीही दिली. 

डॉक्टरांनी काय निदान केल वगैरे माहिती मला गणेशने दिली. ते ऐकून या शास्त्राचे जनक कै. ज्योतिष शिरोमणी  कृष्णमुर्ती यांना मी मनापासून नमस्कार केला. 

शुभं भवतु   

आपला 

नानासाहेब

आगीतून निघून फुफाट्यात....

नमस्कार   

बाजूला दिलेली पत्रिका एक मुलीची आहे. अर्थात गोपानियतेमुळे तीच नाव  टाकल नाही. 

एका मुलाने हि पत्रिका दिली. त्याने हि मुलगी पाहिली. त्याचा पुनर्विवाह असल्यामुळे आता तो लग्न करताना खूपच काळजी घेतोय. 

जी  मुलगी पाहिली तिचाही पुनर्विवाहच. 

सप्तमाचा उप नक्षत्रस्वामी बुध असून तो धनु या द्विस्वभावी राशीत आहे. म्हणजेच या पत्रिकेला पुनर्विवाहाचा योग आहे.  याचा अर्थ या मुलीच्या आयुष्यात दोन लग्न होतील. 

याचाच  अर्थ असाही होतो कि पहिल्या लग्नाची वाट लागल्याशिवाय दुसर लग्न होणार नाही. 

सध्या पत्रिकेला शनीची महादशा असून ती २०२२ पर्यंत आहे. शनी नवमात, प्रथमेश तसेच द्वितीयेश आहे. शनी राहूच्या नक्षत्रात. राहू षष्टात. राहू रवीच्या दृष्टीत, रवी १२  ८, रवी शुक्राच्या नक्षत्रात, शुक्र १२  ५  १०,  राहूचा उप नक्षत्रस्वामी गुरु १०  १२  ३ . राहूचा राशीस्वामी   बुध १२  6  ९, बुध रवीच्या नक्षत्रात, रवी १२  ८ 

वरील जंत्री अभ्यासल्यानंतर कोण ह्या मुलीशी लग्न करण्याची  डेअरिंग करील ? 

याच महादशेत या मुलीच पाहिलं लग्न मोडल असणार. या महादशेत एकही ग्रह वैवाहिक सुखाचा कारक नाही. त्यामुळे हि मुलगी लग्न झाल्यानंतर हार्डली महिना, दोन महिना नव-याच्या घरी राहिली असेल. त्यानंतर लगेचच घटस्फोट. त्याला असा सांगितल्यावर त्याने लगेचच होकार भरला. म्हंटला ' आम्ही ह्या मुलीच लग्न कधी मोडल याची चौकशी केली. तुम्ही म्हणताय ते बरोबर आहे. हि मुलगी नांदलीच नाही.'

तीच जंत्री अजूनही कायम आहे. अश्या मुलीशी लग्न करून  आगीतून निघून फुफाट्यात पडल्यासारख होईल. 

त्याला तसं  सांगितलं. पुन्हा लग्नाची काशी करून घ्यायची नसेल तर हे स्थळ रीजेक्ट कर नाहीतर आहेच मग येरे माझ्या मागल्या... 

आपला 

नानासाहेब पाटील