बाळाचे पाय पाळण्यात दिसतात..

नमस्कार !

आजकाल आपल्या लहान मुलांच्या शिक्षणाबद्दल मला विचारणा होत असते. मुलगा किंवा मुलगी अगदी  बाळ  असतानाच म्हणजे २ ते ३ वर्षाची असतानाच असा प्रश्न विचारला जातो. आपल्याकडे एक म्हण अगदी खूपच जुनी आहे. बाळाचे पाय पाळण्यात दिसतात. ती म्हण काही खोटी नाही. जसे ते पाय पाळण्यात दिसतात तसेच कुंडलीतही दिसतात. म्हणजे ' हे बालक  आपले शिक्षण पूर्ण करू शकेल का? ' उच्च शिक्षण करणार का ? डॉक्टर, होणार कि कम्पुटर , सिविल इंजिनिअर वगैरे वगैरे.?'

अर्थात आता पुर्वीसारख फक्त शिकायचं एवढाच विषय राहिलेला नाही तर शिक्षणा नंतर कुठल करियर निवडाव हे नुसतच  महत्वाच नाही तर अत्यंत महत्वाच झालेलं आहे.

नाहीतर मेक्यानिकल  इंजिनिअर कुठेतरी साईटवर बांधकाम करताना दिसतो किंवा एखादा डॉक्टर कलाकार होतो नाहीतर हॉटेल चालवतो.  असो.

एका महिला जातकाने माझ्याकडे  आपल्या मुला बद्दल तक्रार केली. मुलगा फार त्रास देतो, तो कोणाचे ऐकत नाही वगैरे. अशा तक्रारी तशा नेहमीच्याच असतात. मी त्यांना तसा बोललोही. पण त्यांनी पत्रिकेत काही दोष आहे का ते बघा म्हणून सांगितलं. मुलाच वय चार वर्ष.  

मी त्याची कृष्णमुर्ती पद्धतीने  पत्रिका तयार केली. 

चतुर्थाचा सब गुरु केतूच्या नक्षत्रात केतू . केतू  शनीच्या दृष्टीत तसेच शुक्राच्या नक्षत्रात. शनी तृतीयात नवमेश व दशमेश  आहे. शुक्र पंचमात व षष्टेश. केतूचा राशी    स्वामी रवी असून रवी षष्टात व चतुर्थेश तसेच रवी बुधाच्या नक्षत्रात. बुध षष्टात, लग्नेश, पंचमेश.

सध्या जाताकास शुक्राची महादशा चालू आहे. शुक्र पंचमात तसेच षष्टेश. शुक्र राहूच्या नक्षत्रात. राहू पुन्हा शनिच्याच दृष्टीत व शनी शुक्राच्या नक्षत्रात. राहूचा राशीस्वामीहि शनीच. राहूचा नक्षत्रस्वामी बुध आहे व तोही पंचमेश आहे.

 शुक्राची महादशा २०२० पर्यंत आहे. नंतर रवीची महादशा रवी बुधाच्या नक्षत्रात व बुध पंचमेश. रवीची महादशा २०२६ पर्यंत.  त्यानंतर चंद्राची महादशा २०३६ पर्यंत आहे. चंद्र केतूच्या नक्षत्रात. केतू शुक्र व बुधाच्या  माध्यमातून  पंचमेश झालाय.  त्यानंतर मंगळाची महादशा आहे. ती २०४३ पर्यंत आहे. मंगल राहूच्या नक्षत्रात. राहू बुध व शुक्राच्या माध्यमातून पंचम. नंतर येणारी महादशा राहूची. ती २०६१ पर्यंत आहे. म्हणजे राहूच्या महादशेत वरील ग्रहच  कार्येश असणार. 

 हि पत्रिका बाजूला दिलेली आहे. वाचकांना ती टिचकी मारून मोठी करून बघता येईल.

वरील जंत्रीच अवलोकन संपवल्यानंतर मी त्या बाईंना म्हंटल तुमचा मुलगा कलाकार होणार. व तो कलेच्या माध्यमातूनच करियर करणार. शुक्र व बुधाची पंचमातील उपस्थिती आणखी काय सांगणार.  

माझ  बोलन ऐकून त्यांना  आश्चर्याचा  धक्काच बसला. त्या म्हंटल्या 'अहो काय सांगताय काय ? . याचे पप्पा दोन तीन दिवसांपूर्वीच सांगत होते कि याला संगीताचा क्लास लावून देवू व एक हार्मोनियम सुद्धा घेवून देवू म्हणून. कारण हा सारखा एकटाच दिसेल त्या वस्तूवर हाताने वाजवत असतो,. गाणे गुणगुणतो,  पण अभ्यासाकडे दुर्लक्ष होईल अश्याने म्हणून मीच नको म्हंटल.'

'काळजी करू नका. चतुर्थ व नवम भावही कार्येश आहे. तो यथावकाश त्याच शिक्षण पूर्ण करीन. पण त्याला तुम्ही जबरदस्तीने आमुक एकच शिक्षण घे अस करू नका. तो कलाकार आहे त्याच्या मूड प्रमाणे घ्या. 

त्या हसल्या व म्हणाल्या ' आता त्याची पत्रिकाच जर तो संगीतकार, कलाकार  होणार अस सांगतेय तर आता आम्ही त्या दृष्टीकोनातून त्याचा विचार करू...

यालाच म्हणतात बाळाचे पाय पाळण्यात    कि   काय दिसतात ते वगैरे वगैरे...... 

आपला 

नानासाहेब पाटील

 

 

मला नोकरीतून कमी करतील का ?

मित्रानो !

मागे पंधरा वीस दिवसांपूर्वी सुनील पाटीलने त्याचा प्रश्न ई पत्राने पाठवला. तो बंगळूरू स्थित एका आय टी कंपनीत आहे. सध्या तो टेन्शन मध्ये होता. त्याच्या म्हणण्यानुसार त्याच्या कंपनीची स्थिती अचानक खालावली. अस झाल कि मग गदा येते ती एम्प्लोयीच्या नोकरीवर. बरेचजण त्याच्या कंपनीतून कमी करण्यात आले. त्यालाही त्याच्या  जॉबची खात्री राहिली नव्हती. असो. 

त्याचा प्रश्न होता ' मला नोकरी कधी मिळणार ? कुठे मिळणार ? किंवा मिळणारच नाही ?'. तो फोन करून विचारायचा पण मला त्याची पत्रिका बघायला वेळच मिळायचा नाही. मध्यंतरी त्याच्याकडून के पी सीड घेऊन ठेवला होता. पण हार्ड डिस्कला प्रॉब्लेम  आला.  ती रिपेर झाली यात पाच सहा दिवस गेलेत. एक दिवस तोही येऊन गेला. पण तो दिवाळीचा कालावधी असल्यामुळे निवांत वेळ मिळालाच नाही. त्याचे बेंगलोरहून फोन. 'माझ काय झाल ? कधी सांगणार ?'. 

एक दिवस रात्री १० पर्यंत कार्यालात बसलो. आज कुठल्याही परिस्थितीत सुनीलचा प्रश्न   हातावेगळा करायचाच अस म्हणून इतर सर्व हातातील पत्रिका बाजूला ठेवल्या. कारण त्याचा प्रश्न दिवसेंदिवस अत्यंत महत्वाचा व गंभीर होत  चालला होता. 

वाचकांसाठी त्याची पत्रिका बाजूलाच दिलेली आहे. टिचकी मारून ती मोठी करून पाहता येईल. 

हि प्रश्न कुंडली आहे. या पत्रिकेनुसार दशमाचा उप नक्षत्र स्वामी गुरु  लग्नात असून नवमेश व व्ययेश आहे. गुरु शुक्राच्या नक्षत्रात. शुक्र षष्टात तसेच सप्तमेश व द्वितीयेश   आहे. त्यामुळे सुनीलला कंपनीतून  कमी करण्यात येणार नाही हे नक्की. मी त्याला सांगितलं ' तुला कंपनीतून कमी करणार नाहीत. मात्र गुरु नवमेश असल्यामुळे नोकरीत बदल होणार. तसेच लग्नातील गुरु  नवमेश  असल्यामुळे तू स्वताहून राजीनामा देशील.' हे सगळ सांगितल्यावर त्याने विचारल  किती दिवसात हा बदल होईल ?'. मी पुढील दशा, सुक्ष्मदशा बघितल्यावर त्याला सांगितलं  कि १४/१२/२०११ च्या आत हा बदल होईल.

त्यानंतर  त्याचा फोन आला. म्हंटला ' सर ! तुमची पद्धती अचूक आहे. मी राजीनामा दिलाय व  १०.१२.२०११ ला दुसरी कंपनी जॉईन करतोय.' 

आपला

नानासाहेब पाटील 

 

अभ्यंग स्नान

नमस्कार मित्रानो !

ब्लॉगच्या सर्व वाचकांना दीपावलीच्या हार्दिक शुभेच्या !

हि दिवाळी आपण सर्वांना सुखसमृद्धीची, भरभराटीची जावो !

अभ्यंग स्नान  

बुधवारी  म्हणजे उद्या पहाटे  ५.१६  नंतर अमावस्या सुरु होत आहे. अभ्यंग स्नान दिवाळीतील महत्वाचे स्नान आहे. जसं सिंहस्थात साधूंच शाही स्नान तसच आपलं नरक चतुर्थीच्या दिवशी ब्राह्म मुहूर्तावर केलेल्या अभ्यंग स्नानाला महत्व आहे .

उद्या ब्राह्म मुहूर्त पहाटे ४ वाजेचा आहे. या मुहूर्तावर जर आपण अभ्यंग स्नान केले तर आपण पुण्याचे वाटेकरी व्हाल . पुण्याचा लाभ होईल. 

अभ्यंग स्नान करून पहाटे ५.१६ च्या  आतच, घरातील तसेच जवळच्या मंदिरातील देवांना फराळाचा नैव्यद्य दाखवावा व त्यानंतरच  स्वत: फराळावर ताव  मारावा, तसेच आपले मित्र, स्नेही, आप्तेष्टांना फराळाचे आमंत्रण द्यावे.

आपला शुभेच्छुक 

नानासाहेब पाटील

नोकरी बदलली ...

नमस्कार मित्रानो !

एक दिवस शरद आला. बहुतेक सुटीच होती  त्या दिवशी त्याला. जरा घरगुती गप्पा टप्पा झाल्यानंतर त्यान मुख्य विषयाला हात घातला 

म्हंटला 'मला नोकरीत स्थैर्य कधी आहे ते बघ. सध्या जी नोकरी करतोय ती नकोशी झालीय. दुस-या नोकरीचे काही चान्सेस आहेत का तेही सांग.'

म्हंटल ठीक आहे. काढ टोकन. त्याने १७ नंबरच टोकन काढलं. त्याची जन्म तारीख नक्की नसल्यामुळे प्रश्न कुंडली काढावी लागली. ती कुंडली बाजूला दिली आहे. टिचकी मारून ती बघता येईल. 

प्रश्न कुंडली प्रमाणे षष्टाचा उप नक्षत्र स्वामी शनी असून तो चंद्राच्या नक्षत्रात आहे. शनी षष्टात असून दशमेश व लाभेशही आहे. शनी चंद्राच्या माध्यमातून फळे देणार. चंद्र द्वितीयात असून लाभेश आहे.  म्हणजेच नोकरीला मरण नाही.

पत्रिकेला मंगळ महादशा चालू आहे मंगळ २ ८ १ असा आहे व मंगळ बुधाच्या नक्षत्रात आहे. बुध ४  ६  ३ लागलाय.  बुध षष्टात असल्यामुळे नोकरीत बदल होणार हे निश्चित. तसेच  पालेभाज्या, लहान आकाराची फळे या माध्यमातून धनार्जन. त्याला हे सांगितलं  तस तो काही बोलला नाही. त्याला म्हंटल ह्या पंधरा दिवसात तुझी नोकरी बदलणार. 

त्यानंतर आठ दहा दिवसांनी त्याचा फोन आला. म्हंटला  'नोकरी बदलली. पिंपळगाव च्या आडतवर नोकरी सुरु केली आहे. 

ब-याच वाचकांना आडत म्हणजे काय हे माहित नसेल. आडत म्हणजे जिथे शेतकरी आपला शेती माल दलाला मार्फत व्यापा-यांना विकतात ती कंपनी. 

शेवटी महत्वाच काय तर टोम्याटो, द्राक्ष, भाजीपाल्याचा व्यापार करणा-या ठिकाणीच शरदला नोकरी लागली. 

धन्यवाद !

आपला 

नानासाहेब पाटील

मुलगा कि मुलगी ?

माझा मित्र प्रकाश चौधरी यांचा आपल्या शास्त्रावर चांगलाच विश्वास बसलेला होता. कारण यापूर्वी त्यांना तसा अनुभव येऊन शास्त्राची सत्यता पटली होती. मी त्याला विचारलं ' काय रे काही विशेष ?'  तो म्हंटला 'बायको डिलिवरी साठी माहेरी गेली. काय होईल? काळजी वाटते म्हणून आलो. 

मी विचारलं 'डॉक्टरने कुठली तारीख सांगितली ?' तो म्हंटला  '२२.०९.२०११'

मी लगेच Ruling planet  घेतलं.  

L: शनी 

S: मंगल 

R:  बुध 

D: बुध 

रुलिंग मध्ये शनी आला म्हणून मी त्याला सांगितलं कि २२.०९.२०११ या तारखेला डिलिवरी होणार नाही.उशीर होईल. 

तो म्हंटला मला दिवस सांग. 

मी तो दिवस काढला व त्याला सांगितलं कि २४.०९.२०११ तारखेला  शनिवारी डिलिवरी होईल. नॉर्मल डिलिवरी होणार नाही काळजी घावी लागेल. डिलिवरीच्या वेळेस क्रिटीकल सिचुएशन येऊ शकते. 

तो म्हंटला ' ठीक आहे. आता हे सांगा सर कि मुलगा होईल कि मुलगी ? '

अवघड जागीचं दुखन म्हणतात ते हेच. त्याला म्हटलं कि मुलगा किंवा मुलगी काही झालं तरी काय फरक पडतो. 

तो म्हंटला ' मला काही फरक पडत नाही फक्त उत्सुकता म्हणून विचारतो.'     

मी रुलिंगच्या प्रश्न कुंडलीत  बघितलं पंचमाचा उप नक्षत्रस्वामी मंगळ भाग्यात. 

त्याला म्हटलं 'विष्णू डेअरीत पेढे काय किलो मिळतात.?' 

'का रे ?'

'अरे मुलगा झाल्यानंतर पेढे वाटतात आपल्याकडे ?'

'काय सांगतोस ? खरच का? '

'झाल्यावर सांग ' मी त्याला तसं सांगितलं.

काय झाल असेल ? वाचकांच्या मनात कदाचित प्रश्न आल्याशिवाय राहणार नाही. मीही जास्त न ताणता त्यांची उत्सुकता शमवतो. 

प्रकाशचा मला २५.०९.२०११ ला सकाळी सकाळी फोन आला. 

म्हटला 'तू सांगितलं तसच झाल. २४ तारखेच्या शनिवारीच डिलिवरी झाली. चार टाके पडले. आणि मुलगाच झाला'.

त्याच्या फोनने  मलाही आनंदच झाला. मी मनातल्या मनात माझे मानस गुरुवर्य सोतीधामानन  श्री कृष्णमुर्ती यांना नमस्कार केला व त्यांनी किती  अचूक संशोधन करून ठेवलं  याच नेहमी प्रमाणे आजही विस्मय वाटला.

आपला 

नानासाहेब पाटील

घटस्फोट मिळाला.... आनंद झाला !

जूलै महिन्याच्या चार तारखेला साधारणता सकाळी तो माझ्याकडे आला. पत्रिका घेऊनच आला होता. म्हणजेच त्याच्या कामाच स्वरूप स्पष्ट होत. तसा त्याच्या प्रश्नाचाही अंदाज मला आला होता. मी त्याला बसता केला.  

म्हंटल 'काय रे ? काही विशेष ?' . म्हणाला "विशेष काही नाही.आपल्या कोर्ट केसेस कधी निकालात निघतील ? ते बघण्यासाठी आलो." 

 तसा तो वैतागलेलाच होता. लग्न झाल्यानंतर त्याची बायको काही महिने नीट वागली. काही महिन्यानंतर त्याचं एकमेकांशी पटेनास झाल. एकदा भांडण विकोपाला गेल. बायको माहेरी निघून गेली तसी परत आलीच नाही. नंतर अनेक प्रयत्न करूनही ते दोघे पुन्हा एकत्र आले नाहीत. 

मग कालांतराने तिने त्याच्यावर पोटगी मिळण्यासाठी दावा दाखल केला. त्याच्यानंतर आणखी हुंडा बळीचा दावा दाखल केला. यात तो तसच त्याच्या घरचे लोकही अडकलेत. एकूण काय तर या सर्व प्रकारात त्या सगळ्यांना खूपच त्रास भोगावा लागला. असो.

 तो म्हंटला या सगळ्यातून कधी सुटका होईल ते बघ.  वाचकांनी हि कुंडली पहावी. कुंडलीवर टिचकी मारून ती पाहता येईल. गुप्ततेमुळे मी त्याच नाव मात्र  पत्रिकेतून काढून टाकल आहे. अर्थात त्याच्याच परवानगीने मी त्याची पत्रिका ब्लॉग वर टाकत आहे. जातकाची परवानगी असले तर आणि तरच मी पत्रिका ब्लॉगवर टाकतो.

जातकाला १०.११.२०१४ पर्यंत रवीची महादशा असून  गुरूची अंतर्दशा १६.०९.२०११ पर्यंत आहे.

महादशास्वामी रवी नवमात व सप्तमेश असून राहूच्या नक्षत्रात आहे. राहू स्वतः सप्तमात व गुरूच्या युतीत. गुरु सप्तमात तसेच लाभेश व द्वितीयेश. गुरु केतूच्या नक्षत्रात. केतू  गुरु, शनी, मंगळाच्या दृष्टीत. शनी सुद्धा सप्तमात.

मंगळ षष्टात अगदी दबंग होऊन बसलेला. तसेच तो दशमातही बलवान झालाय. शिवाय मंगळ बुधाच्या नक्षत्रात. मंगळ बुधाच्या माध्यमातून अष्ठमातही मजबूत लागलेला. 

अंतर्दशास्वामी गुरु वरीलप्रमाणेच कार्येश झाला. थोडक्यात हि जंत्री खालीलप्रमाणे कार्येश झाली आहे.

 गुरु ७  ११  २  शनी ७  १२  १  ९  मंगळ ६  १०  ५  ८  

वरीलप्रमाणे ग्रहांच कार्येश्वत्व बगता. कुठल्याही परिस्थितीत पुनर्मिलन होऊ शकत नाही. पण हिच  महादशा व अंतर्दशा दोन्ही, घटस्फोट मिळण्यासाठी पोषक आहेत. 

पत्रिकेच अवलोकन संपवून मी त्याला सांगितलं कि तुझा सगळा प्रॉब्लेम १६.९.२०११ पर्यंत मिटेल. सर्व कोर्ट केसेस मधून तू मोकळा होशील. अस ऐकल्यावर त्याचा लगेचच विश्वास बसला नाही. कारण तोपर्यंत हा सगळा प्रकार मिटण्याच कुठलही चिन्ह दिसत नव्हत. .....

......आणि कालच या सर्व प्रकारातून तो मुक्त झाला. म्हणजेच १६.९.२०११ च्या आत.

आपला 

नानासाहेब पाटील

गुण मेलनावरून विवाह करण्याचा प्रकार - भाग 2

सध्याची विवाह जमविण्याची पद्धत ग्रामीण भागातील लोकांच्या मनात खोलवर रुजली आहे.  शहरी भागातील लोक मात्र या विषयाकडे चौकस नजरेने पहायला लागलेत. जातकाच्या  जीवनात वैवाहिक सौख जर चांगले असेल तर त्याच प्रकारची वैवाहिक सौख्य उत्तम असलेली कुंडली त्याच्याशी जुळवायला हवी.

ज्या कुंडलीत वैवाहिक जीवन बिघडलेले असेल अश्या जातकाने  ज्योतीर्विदाने सुचविलेले उपाय करून वैवाहिक जीवन सुखकारक कसे होईल हे बघावे. काही जण तात्पुरती सुधारणा करण्याचा प्रयत्न करतात. पण काही काळानंतर शक्य होत नाही. 

अर्थात ज्याच लग्न ठरत त्याला वैवाहिक जीवन बिघडते म्हणजे काय होत याचा अंदाजच नसतो. ब-याच लोकांना स्वतःबद्धाल नको तेव्हढा आत्मविश्वास असतो. ते बिनधास्त लग्न करतात. आणि ज्यावेळेस वैवाहिक जीवन बिघडते तेंव्हा मात्र त्याच खापर जोडीदाराच्या माथी फोडतात. 

विवाह काळात महादशा स्वामी जर अष्टमाचा बलवान कार्येश असेल तर त्या मुलीने सासर कडील इतर व्यक्ती उदा. सासू, नणंद, दीर वगैरे मंडळींशी जमवून घेतले नाही तर वैवाहिक जीवन बिघडून जाते. पती-पत्नीचे एकमेकावर प्रेम असते पण पतीच्या घरच्या लोकांमुळे वैवाहिक जीवन उपभोगता येत नाही. अनेक मुली याच कारणामुळे पतीपासून दूर राहतात व शेवट घटस्फोट घेण्याशिवाय पर्याय उरत नाही. 

एखाद्या मुलाच्या पत्रिकेत चतुर्थेश जर बलवान असेल तर असा मुलगा मातृभक्त असतो. म्हणजे जरा अतीच असतो. तो बायकोच काहीएक ऐकून घेत नाही. तिची चूक असो नसो तो तिला झापनारच. दोष त्याचा नसतो. 

अशा वेळेस आपले वैवाहिक जीवन कसे असेल हे जर अगोदरच  माहित झाले तर त्याप्रमाणे मानसिक, शारीरिक तयारी करता येते व एकमेकांचे दोष न बघता वैवाहिक जीवन जास्तीतजास्त सुखकारक कसे राहील यासाठी प्रयत्न करता येतात.

वैवाहिक जीवनात लैंगिक सौख्य हा विषय खूप महत्वाचा आहे. जातकाच्या पत्रिकेवरून त्याची लैंगिक सुख उपभोगण्याची पद्धती व क्षमता याचा अंदाज बांधता येतो.


या भावावर जर रविग्रह, सिंह राशीचा प्रभाव असेल तर अशी व्यक्ती विषय सुख उपभोगताना आपल्या जोडीदाराच्या भावनांचा आदर राखते. सामान्य नैसर्गिक पद्धतीने सुख देते व घेते.

मंगळ  ग्रहाचा संबंध जर प्रभावी असेल तर असे लोक फार रांगडे असतात. त्यांना नेहमी घाई असते. आपल्या जोडीदाराच्या भावनांचा ते फारसा विचार करत नाही. शरीरसुख उपभोगताना विचित्र पद्धतीचा अवलंब करतात. नैसर्गिक सुखाबरोबरच अनैसर्गिक पद्धतीने सुख ओरबाडण्याची मानसिकता असते. जोडीदाराला शारीरिक वेदना देण्यात त्यांना आनंद वाटतो.
 
बुध ग्रहाचा परिणाम अधिक असेल तर असे लोक उन्मादकता कमी व  बालिश चाळेच जास्त करतात. जर बुध कन्येत असेल तर  जोडीदाराला नेहमीच अतृप्त ठेवतात.


चंद्राचा किंवा जलतत्वाच्या राशीचा संबंध अधिक प्रभावी असेल तर असे लोक विषयसुखात अत्यंत भावनाशील असतात. संभोगावस्थेत याचं मन अनेक विचारात गुंतलेले असते. कधी कधी अपूर्णावस्थेत संभोग क्रिया सोडून देतात. अशावेळेस हे लोक उन्मादक प्रेमाऐवजी सात्विक प्रेमाची उधळण करतात.

असा सर्वांगीण विचार करूनच पत्रिका जुळवायला हव्यात. 

शुभं भवतु !

नानासाहेब पाटील